كلمات أغاني جوزف صقر

هذه الموسوعة من كلمات الأغاني أقدمها لقراء الناقد.

يرجى من الذين لديهم كلمات لأغاني أخرى أن يوافوني بها.

كذلك يرجى لفت النظر إلى أية أخطاء في الكلمات المنشورة كي أقوم بتصحيحها وشكراً.

الفهرس

الحالة تعبانة يا ليلى ـ خايف كون عشقتك ـ لك هزي كبوش التوتة ـ حنّ الحديد ـ في كنباية فوقا مراية ـ

الحالة تعبانة يا ليلى

جوزيف صقر

الحالة تعبانة يا ليلى خطبة ما فيش

وانتي غنيّة يا ليلى ونحنا دراويش

انتي في وادي ونحنا في وادي

بلحظة بعدنا زيادة

أرض العنّا بلا سجادة

وانتي معوّدة تمشي عالريش

احتاروا فيكي وحيّروكي

ضلّوا حتى غيّروكي

لبّسوكي تاج ملوكي

وانسيتي أهل الطرابيش

رزق الله لمّن كنتي وكنّا

نجي لعندِك وتجي لعنّا

قال العاش حدّك وتهنّا

صعبة يرجع وحدو يعيش

*****

خايف كون اعشقتك

جوزيف صقر

خايف كون عشقتك وحبيتك

ويكون الهوى رماني ببيتك

ونطير ليلية نشتاق ليلية

واسأل عليك بحدّ بيتك

سرّقوكي العيون السود يا قلب انتسى

يا قلبي اللي مش موعود إلا بالأسى

غيروه وراحوا غرّبوه وراحوا

فلّوا تا يرتاحوا بآخر هالمسا

مَنْدور عاليالي الحب عينيكي وعينيّ

جاييه من عييكي الغُرْب هاللفتة الهنيّة

عمتشكي الأشعار وناطرنا المشوار

خبرها شو صار يا طير العشيّة

******* 

هزي كبوش التوتة

جويف صقر

لك هزي كبوش التوتة

ما بحبك لو بتموتي

أنا يا بنتي مجوَّز

زلمة عاقل بيتوتي

لا تغريني بشم الورد

ولا تدفّيني بحب البرد

أنا يا حلوة من الجرد

فلاح ومش بيروتي

أوف أوف أوف فلاح ومش بيروتي

البنت اللي بتحب الشب

ما بتوقف بنص الدرب

بعدك صغيرة عالحب

فوتي عابيتك فوتي

أوف أوف أوف فلاح ومش بيروتي

بيتي بالضيعة هادي

وبكرة عالضيعة غادي

لمعوَّد عالزوادة

ما بيشبع من بسكوتي

أوف أوف أوف فلاح ومش بيروتي

حن الحديد على حالو

جوزبف صقر

حن الحديد على حالو وانت ما حنيت

لو كنتَ تدري بحالو من زمان حنيت

من زمان.. من زمان حنيت..

حن الحديد عالعروسة وقبَّل الخدين

غيرو ما حدا يبوسا لا اليوم ولا بعدين

لا اليوم ولا بعدين..

في كنباية فوقا مراية

جوزيف صقر

في كنباية فوْقا مراية وصورة عمك عيد

شوارب تركي وتمّ بيحكي وتطليعة لبعيد

عمك كان معلِّم شبوبية ومتكلم

وعندو طبنجة وسيف مطعّم ومصاري وبواريد

بيتوو عمك ليل نهار وفود ودخان وزوّار

وأركيلة طويلة والقهوة عالنار

في كنباية فوقا مراية..

لكن بنتو غصن البان

صارت تحكي بالدكان

اسرارو البيدارو انباعوا بالميزان

في كنباية فوقا مراية..

المقالات المنشورة على هذا الموقع تعبر عن آراء أصحابها فقط