أغاني زياد الرحباني
شو هالجيل ـ قوم فوت نام ـ نشكر الله عنّا بيانو ـ لا طلّوا لا اتّصلوا ـ حكي ـ عايشة وحدا بلاك ـ رو خبِّر ـ بلا ولا شي ـ بصراحة ـ خلص ـ أفلاطون ـ من الأفضل إنك تحتشمي ـ مربى الدلال ـ بما أنّو ـ تلفن عيّاش ـ قلتلّي ـ هيك بتعمل هيك ـ الله يساعد الله يعين ـ شو ها الأيام ـ أنا مش كافر ـ النظام ـ ولعت كتير ـ مش بس تلفنلي ـ ما منيحة الرسالة ـ نزل السرور ـ بعتّ لك يا حبيب الروح ـ ما شي الحال ـ يا نور عينيّا ـ يا ليل الهوى نحنا جينا ـ مدري كيف جنيت ـ كسروها قهوة القش ـ التحدّي ـ الحالة تعبانة يا ليلى ـ خايف كون عشقتك ـ أهل الهوى ـ ساعة نطّرتي ـ دلوني على عينين السود ـ سهرنا يا بو الأحباب ـ يا بنت المعاون ـ حن الحديد ـ أنا اللي عليكي مشتاق ـ التفتي عليي ـ اسمع يا رضا ـ قوم فوت نام ـ
شو هالجيل
زياد الرحباني
شو هالجيل جيل الحرب
ربي عالقتل وربي عالضرب
لا العلم بيهمّه ولا بغيرن بيهتمّوا
بيهمون يشمّوا وبيهمّن الشرب
يعني كل شي بالقلب
شو هالجيل جيل الحرب آه
شو هالجيل جيل الحرب ما إلو حلّ ما إلو ربّ
كيف معهو منتفاهم جرّسونا العالم
بتحكيلو عالعالم بيزفّر بسبّ
يعني كل شي بالقلب
وييين دور الأمّ دور الأب
وين دور الأمّ والأب مع هالجيل جيل الحرب
بسبّولوا أمّه ليش هوّي بيهمّه
لو يسمع من أمّه شو كان بينحبّ
إلهمهم بس يا رب
آه هيذا الجيل أه يا شعب
هيذا الجيل أه يا شعب
بيوعى فجور بيغفا طبّ
لا لابس فانيلا ولا سترة الحمدلله
مصفّح متل تريللا
مضبضب؟ ما بينضبّ
إتغاضى بس يا رب يا رب
=============
قوم فوت نام
زياد الرحباني
قوم فوت نام، وصير حلام، إنو بلدنا صارت بلد
قوم فوت نام، بهالأيام، الحارة بيسكّرها ولد
هاي بلد، لأ مش بلد، هاي قرطة عالم مجموعين...
مجموعين ....لأ
مطروحين... لأ
مضروبين لأ.. مقسومين
قوم فوت نام وصير حلام
***
قوم فوت نام .. كْدوش الفرشة يللا قوام
وتغطّى وسمّك الحرام وتمسّى بنفس الكلام
تابع البرامج بالسكام كلهاّ أغاني عن الوحدة الوطنيّة
وكلها أماني بالمسيرات الأمنية وكلهاّ تهاني بصيغتنا اللبنانية
قوم فوت نام مهو تلات ملايين عالتخمين
هودي اللي جوا البلد
والباقيين مفروطين كل شويّة في بلد
هاي بلد ....
=============
نشكر الله عنا بيانو
زياد الرحباني
نشكر الله عنا بيانو نقدر نكسرله إجريه
إصحى تنسمّوا منشانه ولا يوجعكن قلبكن عليه
شو حلو البيانو
كان بيانو يا ضيعانه
كان بيانو يا ضيعانه
راح
لا تقولوا هالقلب القاسي معوّد عالشراسة
ما قدرنا نسرق كراسي بدنا ننشرله إجريه
كان بيااانو يا ضيعانه
كان بيااااانو يا ضيعانه
نشكر الله ...
لا تقولوا مديون وناسي وعم أعلن إفلاسي
بدنا نحيا بثلاثة شو حلوة سحبة إجريه
إجر بيانو من ميلانو بيانو فوربيعانه يا ضيعانه
يا بيانو الناس الأكابر بزمان الفن عالطناجر
محنّط متل الديك الرومي متل المغفر متل حكومة
ستين عمرك ما تقومي يلّلا
يلّلا نشمعله إجريه يلّلا نشمعله إجريه
صار لك مقعد أحلى مقعد
صار فينا نقعد عليه معليه معليه
============
لا طلوا لا اتصلوا
لا طلّوا لا اتّصلوا ولا مين يحزنون
لا اهتمّوا لا سألوا ولا مين يحزنون
ولا مين يحزنون ولا مين يفرحون
ولا مين يقفلون ولا مين يفتحون
ولا مين يسمع هالأغنية ولا مين يفهمون
وشو... وجنس العقل...
لا هلّوا لا حلّوا ولا مين يحزنون
لا اهتمّوا ولا سألوا ولا مين يحزنون
ولا مين يحزنون ولا مين يفرحون
ولا مين يقفلون ولا مين يفتحون
ولا مين يسمع هالأغنية ولا مين يفهمون
لا طلّوا لا اتّصلوا ولا
================
حكي
حكي، هاذ ما بدّك فيه حكي معي وشو بدّك فيه
هيذا مطفي ولو ضوّيته قنينة بيرة بتطفيه
ما بتعود بتسمع فيه خالص
يه خالص أوه خالص أوه هيذا خالص
حكي زتّ وإرجع شيل تهدّى بخيط وطيّر فيل
هيذا لو فقعت عالدورة بقلّك طار سن الفيل
هيذا نفسو تبع الفيل ... واصل أوه
حكي- واصل- هاذ ما بدّك فيه حكي معي وشو بدّك فيه
هيذا مطفي ولو ضوّيته قنينة بيرة بتطفيه
ما بتعود بتسمع فيه ... خالص
==============
عايشة وحدا بلاك
عايشة وحدا بلاك وبلا حبّك يا ولد
حاجي تحكي عن هواك ضحّكت عليك البلد
بتحبّها إيه بتحبهّا بتحبهّا إيه بتحبّها
لكن هيّي فيك يمّا بلاك
عايشة وحدها بلاك وعايفة الله وسماك
شو الله بلاك يا ولد
***
عايشة وحدها ومرتاحة ولوه شو مرتاحة بلاك
يا بو عيون الذباحة مش فارق معها حلاك
قالت لك ذوّبني ذوب ذبت وهيّي ما ذابت
مش أوّل مرا قبلها مية مرا
لا قدروا فهموا عقلاتك ولا قدروا عرفوا دواك
عايشة وحدا بلاك وبلا ..
***
قايلّ لي فيه إشارة بعيونها صوبك بتدّل
كل ما بتمرق بالحارة بشوفها بتطلّع بالكلّ
حاجي تحلّل بحياتك تسلم لي تحليلاتك
من مرا لمرا عمترجع لورا
ولاد الحارة كلهن أبداً عرفوا حبّوا من عداك
===============
روح خبّر
زياد الرحباني
خذني بحلمك لحظة وحدة خذني وروح
كل الل قايلهون عنّي وصلولي
كل شي مرق عليّي بعمري جروح وحروق
مش مارق عمخّي هيك فصولة
مش متوقّع منك إنت هيك بالذات
ومش عم صدّق لمّا بيقولولي
لا بتفلّ ولا بتخليني إني فلّ شوف شي حلّ
حاجي تحور حاجي تدور حاجي تكذّب عالجمهور
رح بتشوف جرّب غيري وشوف
روح خبّر عنّي وقوول شي معقوول أو روح عطوول
روح خبّر عنّي وقوول شي معقوول أو روح عطوول روح
كلّ الأوطان تاع لنفكّر بشي حلّ ساعة الل مش مبسوط مش مزبوط
منكّدلي العيشة ومظلوم شو في حلّ رح لاقيلك حلّ
مانا مانا مانا ما أنا مش متوقّع منّك بالذات
ومش عم صدّق لمّا بي قولولي
روح خبّر عنّي وقول عنّي شي معقول عنّي أو روح عطوول على طول
روح خبّر عنّي وقول عنّي شي معقول عنّي أو روح عطوول
إذا ما بسأل عنّك يعني مش مهتمّ ووقت الل بسأل عنّي تقول حشوري
ما ساعة بتعتقدني كتير منيح وساعة بدّك ياني بشي ضروري
آخ يا حزين يا ضيعان العشر سنين ليك مع مين
عم بتحور عم بتدور عم بتفنّص عالجمهور برده بقوول وبرده برجع قول
روح خبّر عنّي وقول عنّي شي معقول عنّي أو روح عطوول على طول
روح روح روح ... روح روح روح ... روح روح روح
==================
بلا ولا شي
زياد الرحباني
بلا ولا شي بحبك بلا ولا شي
ولا فيه بهالحب مصاري ولا ممكن فيه ليرات
ولا ممكن فيه أراضي ولا فيه مجوهرات
تعي نقعد بالفي مش لحدا هالفي
حبيني وفكّري شوي
تعي نقعد تعي نقعد بالفي مش لحدا هالفي
حبيني وفكّري شوي
بلا ولا شي بحبك بلا ولا شي
بلا كل أنواع تيابك بلا كل شي فيه تزييف
بلا كل أصحاب صحابك التقلا والمهضومين
تعي نقعد بالفي مش لحدا هالفي
حبيني وفكّري شوي
تعي نقعد تعي نقعد بالفي مش لحدا هالفي
حبيني وفكّري شوي
بلا ولا شي وحدك بلا ولا شي
بلا جوقة أمّك فيّي ورموش وماسكارا
بلا ما النسوان تحيك بلا كل هالمسخرة
تعي نقعد بالفي مش لحدا هالفي
حبيني وفكّري شوي
تعي نقعد تعي نقعد بالفي مش لحدا هالفي
حبيني وفكّري شوي
تعي نقعد ... تعي نقعد
بلا ولا شي
=================
بصراحة
بصراحة، تعي نحكي بصراحة ما في أحلى من الصراحة
بصراحة بصراحة
وبصراحة بما إنو بصراحة وبما إنو ما في أحلى من الصراحة
بصراحة
ما عدت أعنيلك وأنا حاسس بصراحة ما عدت إنفع لشي
ما شي واضح بصراحة
ما عدت أعني لك شي أنا حاسس بصراحة ما عدت إنفع لشي
ما شي واضح بصراحة
ما في أحلى من الصراحة بصراحة هه هه هه
والله وبصراحة ما تفتكري من بعدك بطّل يطلع زهور
ولا تفتكري من بعدك يعني وقفوا الإيام
ولا تفتكري من بعدك بطّل يعلا العصفور
والبيت اللكان مضوّى راح يطفّي وينام
في منتهى الصراحة بصراحة
صحيح الصراحة بتجرح لكن ما بتفيد
متأكّدلي إنو لازم لاقي حب جديد
واذكري بس شو كنت منيح معك اذكري بس شو كنت منيح معك
اذكري بس شو كنت نظيف معك واذكري بس شو كنت نظيف معك
واذكري بس شو كنت منيح معك اذكري بس شو كنت منيح معك
اذكري بس شو كنت بهيم معك اذكري بس شو كنت بهيم معك
اذكري اذكري اذكري بس....
اذكري اذكري اذكري بس.... اذكري اذكري اذكري بس...
===================
خلص
ما في حديث والجو ضعيف ضيعانو كيف
خلص الحب
بأي حديث ما في حديث لشو الحديث؟
خلص الحب
ما في مجال لاي سؤال الا بحال بعد في حب لكن خلص
خلص خلص يعني خلص
خلص
خلص خلص يعني خلص
خلص
ما في طريق لأي صديق كل شي عتيق
خلص الحب
يمكن ما فيك تقلي ما فيك شو بدي فيك
خلص الحب
تقول قليل مانو قليل شعور سئيل اذا هالحب خلص
خلص خلص
خلص يعني خلص خلص
خلص خلص انتا
خلص انتا يعني خلص خلص
ما في كلام يعبر امال الا الكلام
خلص خلص يعني خلص خلص
خلص خلص يعني خلص
==============
أفلاطون
وصلت دورية عصفورين غطت على نفس البلكون
مشغول فكرا على عصفو طار وغط وطول هون
ورجعوا موكب تلات عصافير رجعوا على نفس الكراكون
***
نيالهن والله نيالهن برمو الدنية فتلوا الكون
وأنا علقان بنفس الغرف مفكر حالي أفلاطون
***
وباقي شجرة بوجّ البيت فتحت الشباك و طليت
غاطط شي مية عصفور أكتر من مية عصفور
وفجأة طارو كلن منها ورجعت شجرة مش كاركون
وصار يدق التلفون واحد طالب أفلاطون
==============
من الأفضل إنك تحتشمي
هو: من الأفضل إنك تحتشمي فيه ضابط مدري بكم نجمة
قاعد عالطاولة هونيك أخذوا إسمك أخذوا إسمي
هي: ما عندي أي مشكلة بهالقصة ما بعرف ليه إنت عاطيها هالقدّ أهمية يعني
هو: من الأفضل إنك تحتشمي
عم باكل مش قادر آكل علقت بزلعومي اللقمة
أرجوكي إنك تحتشمي
هي: قاعدة هيك..... أنا قاعدة هيك..... ما حدا إلو معي شي
هو: لو ممكن إنك تحتشمي
هي: يا الله لشو جينا لهون نحنا
هو: أنا خايف يتعبّوا فينا من دون ولا علمك ولا علمي
هي: أنا هيك ... قاعدة ما راح غيّر قعدتي... أنا هيك بقعد عادةً
هو: أنا عارف إنك جميلة ومن حظي قاعدة مقابيلي
الكورس: هو عارف إنك جميلو ومن حظو قاعدة مقابيلو
هو: عم بحكي وحديثي علمي وانت ما بتسمعي الكلمة
منشان الله ذوقي احتشمي
الكورس: منشان الله ذوقوا احتشموا فيه ضابط ما منعرف نجمه
قاعد عالطاولة هونيك أخذوا إسمك أخذوا إسمه
هي: هه هه وإذا يعني
هو: من الأفضل إنك تحتشمي
صح
فيه ضابط مدري بكام نجمة
أح
قاعد عالطاولة هونيك أخذوا إسمك أخذوا إسمي
صح
راحت عليكن ..
هي: ما بعرفه لا ما بعرفه
===================
مربى الدلال
ولقد... فيطيب لي بأن .. فإن هذه الواقعة وقعت..
فإذاً هي واقعية .. وبالتالي فقد تم تلحين هذه الواقعة..
مربى الدّلال ربّوكي وتعذّبوا فيكي يا دلال
ورحنا نكلّم أبوكي ويا ريتك كنتي وشفتي شو قال
... أبوكي
وعلى كلٍّ على كل حال يعني بكل الأحوال
ممنونه أنا لا بوكي ممنونو ع الإستقبال
***
قال لي يا إبني كيف أحوالك وصرنا نتحدّث بالأحوال
قلت لّه سيدي طمّن لك بالك عيشة رضيّة قدّ الحال .. عال
قال لي بتعرف بنتي طلبها المحامي
واللي بييجوا لعنّا من أحسن عيال
ومش كل ساعة في محامي لكن في متلك أمثال
وعلى كلٍّ على كل حال يعني...
***
قال لي شو عندك وين رسمالك قلتلو بتعرف والله يا خال
حبّي رسمالي وها يّاني قبالك لا هديّة جايب ولا أموال
رح قلّك للدّغري أحوالي ما بتغري
ورّثوني المكنسة وطلعت زبّال
وإذا بَيني وبين المحامي الشّغلة ما بدّا سؤال
وعلى كلٍّ على كل حال يعني...
***
قلت لّه ساكن خلف العمارة لا هي تخشيبة ولا عرزال
بغسّل عإيدي وبنشر بالحارة لا فريزر جايب ولا غسّال
عندي صوفا زغيرة فيها تصفّي كبيرة
بقدر إستعملها بكلّ الأشكال ... وصلت
وهيذا المحامي منين نبّت لا عالخاطر ولا عالبال
***
وعلى كلٍّ على كل حال يعني بكل الأحوال
ممنونك أنا يا عمّي ممنونك عالاستقبال
==============
بما إنّو
أدو توا
بما إنو كل شي نظيف وبما إنو شفنا عفيف
قال لي كسدر مرتك فوراً وارخي إبنك عالرصيف
بما إنو شغلي خفيف والحالة مش عارف كيف
قلت بنزّل مرتي وبنزل وإبني بيفلت عالرصيف
بما إنو العيشة صعبة ومش هينة
إجتمعنا واتفقنا وهيّينا
بالخفيف بالعنيف بالربيع بالخريف
شجّروا كل الكورنيش وجايي أيّا مشي ما فيش
لف حصيرة وشنكل مرتك وروح فلشهن عالحشيش
بما إنو العيشة سودا ومش بيضة
إجتمعنا وقرّرنا نسلق بيضة
يخي شي مغذّي شي خفيف شي مطمئن شي مخيف
بما إنو كل شي نظيف وبما إنو شفنا عفيف
قال لي كسدر مرتك فوراً وارخي إبنك عالرصيف
إلنا ساعة عرفت كيف ساعة عم نحكي وما فهمت كيف
يو إنو أنا مش عم فهّم يو إنو فهمك خفيف
إرخي القصة شو بدّك عيف
إرخي القصة شو بدّك عيف عيف عيف عيف
إرخي القصة شو بدّك عيف
=============
تلفن عياش
تلفن عياش لما توقعنا و ناطرينه
تلفن عياش تلفن يعني الله يعينه
تلفن عياش تلفن، تلفن عياش تلفن
كذب عياش لما توقعنا و ناطرينه
كذب عياش ما بيحلف إلا بدينه
تلفن عياش كذب تلفن عياش كذب
تلفن عياش و قال الاشيا مظبوطة
جود عياش و عرفينا مش مظبوطة
بيقلك كل شي تمام غط حمام و طار حمام
تلفن عياش و حرفه بيعرف كيف يزينه
موفق عياش كيف لالله عم بيعينو
تلفن عياش و خبر ليه ما بيتلفن
يكذب عياش يكذب راقي و بيجنن
بيقلك هوي مظلوم هوي واضح و مفهوم
فشط عياش ومتل العادة منعرف مينو
تلفن عياش فشط يعني الله يعينه
تلفن عياش فشط تلفن عياش فشط
و أخيرا تلفن عياش متل ما كأنو ما تلفن
===============
قلتلّي
قلتلّي حبيتك لأنك زعلان بتضلّ وبتضلّ منكوَت
صاير هالحديث؟
صار!
قلتي لي حبيتك لأنك غير شي بتكون ولأنك أخوَت
صاير هالحديث؟
صار!
وعدتي تركتيني لأني زعلان بضلّ وبضلّ منكوَت
ولأني أخوَت
صار ولا ما صار؟
صار!
يا عمّي أنا ما اتغيرنا أنتِ اللي تغيّرنا
تغيّرنا
تغيّرنا ما تغيّرنا؟
صار ونص
============
هيك بتعمل هيك
أنا عم بفكر إبقى أنا ويّاك ليك ليه عم تعمل هيك
وأنا عم بفكر حبك وينك ليك هيك.. هيك بتعمل هيك
يا حبيب الروح شو عم بتسوي ساعه بتخفف ساعه بتقوّي
وأنا شي نوّي .. إنته بتعوّي هيك... صعبه العيشة هيك
أنا عم بفكر إبقى أنا وياك ليك.. ليه عم تعمل هيك
هاي ثاني مرّه بتحكيني هيك ليك.. ليه عم بتعمل هيك
يا حبيب الروح شوعم بتسوي نايم تاركني عم بوّي
يا عواطف حاجي تتلوي هيك... صعبه العيشه هيك
أنا عم بفكر إبقى أنا وياك ليك ليه عم تعمل هيك
هل إنك عم تقشع بعينيك ليك.. وكيف بتعمل هيك
الله يرحم هاللّي سوّاك ليله عملت هيك ...
ليله عملت هيك
========================
الله يساعد الله يعين
الله يساعد الله يعين الشرايية ع البياعين
م العالم كلّها شرايية بس مش كلّها بياعين
الله يساعد الله يساعد الله يعين
***
اذا كل العالم شرايية وجزء منهن بياعين
اطرح تاني جزء منهن بتعرف مين هني الباقين
الفلة بتطلع بالباقيين الله يساعد الله يعين
***
بياع لي بيبقى شرّا واشترا من غيره بياعة
بدو يتعبى بغير مرة بشرايي مش بياعين
الله يساعد الله يساعد الله يساعد الله يعين
الله يساعد الله يعين كل من ليس بياعين
***
عرفني من ايا جزء عرفني عن نفسك مين؟
no problem اذا شرايية في problem اذا بياعين
الله يساعد الله يساعد الله يساعد الله يعين
***
بياع معبى ببياع عم ب يكيّل عم ب يزين
الاول ب بيعو دراق التاني ب بيعو بنزين
بحر فلوسو مدّو وجزّرو ونحنا لّطينا بالبسين
الله يساعد ويعين الله يساعد ويعين
الله يساعد الله يعين
مجموعات الشرايية مش مقدورن
الا يسبو كلمة بتبدا بحرف الشين
مش مقدورن الا يسبو كلمة بتبدا بحرف الشين
===============
شو ها لأيام
زياد الرحباني
شو ها الأيّام اللي وصلنالها قال إنه غني عم يعطي فقير
كأنه المصاري قشطت لحالها عاهيدا نتفه وهيدا كثير
حلوة دي ... حلوة دي .... تعجن في الفجريه
بيقولوا لك من عرق جبينه طلّع مصاري هالإنسان
طيّب كيف هايدا وكيف ملايينه وما مرّه شايفينه عرقان
مش صحيح... مش صحيح... الهوا غلاّب
الغني من تلقاء نفسه حابب يوزّع ورق المال
ما انّه بخيل أبدا على عكسه تذكركن يا ولاد الحلال
ليل يا لال ... ليل يا لال... وحوّل
كل واحد منّا عنده ستيلو
ما بمينع إنّه يصير تنسيق
جيب لي لامضي لك قلم ستيلو
كل الشعوب بكره حَ تفيق
يا سلام ... يا سلام... سلّم
كل المصاري اللّي مضبوبة
اللّي ما بتنعد وما بتنقاس
اصلها من جياب الناس مسحوبة
ولازم ترجع عً جياب الناس
هي دي هيّ ... هي دي هيّ... الأصليّة
=============
أنا مش كافر
زياد الرحباني
أنا مش كافر بس الجوع كافر
أنا مش كافر بس المرض كافر
أنا مش كافر بس الفقر كافر والذلّ كافر
أنا مش كافر
لكن شو بعملّك إذا اجتمعوا فيّي
كل الإشيا الكافرين
***
يللي بيصلّي الأحد ويللي بيصلي الجمعة
وقاعد يفلح فينا على طول الجمعة
هوّ يللي ديّن قال وأنا يللي كافر عال
راجعوا الكتب السماوية راجعوا كلام القادر
***
أنا مش كافر بس البلد كافر
أنا مقبووور ببيتي ومش قادر هاجر
وعم تاكل لي اللقمة بتمّي وأكلك قدّامك يا عمّي
وإذا بكفر بتقل لي كافر
معمّم عالدول الغربية ومبلّغ كل المخافر
***
أنا مش كافر هيذا إنت الكافر
أنا مش كافر ما دام إنت الكافر
أنا مش كافر قلنا مين الكافر.... كافر
وعرفوا مين الكافر.......... كافر
أنا مش كافر متل ما عم قل لك
عم بتحطها فيي كونك شيخ الكافرين
آمين
=================
النظام
زياد الرحباني
يا إلهي
شايفو عالنظام مش عم يمشي غيرلو النظام
بركي اذا غيرتلو بيمشي ع النظام
يا آلهي ويا سلام لما رح يمشي النظام
الزلمة جرب يمشي مش عم يقدر
انا شفتو بعيني مش عم يقدر
ويبدو انو العلة منّا منو يبدو انو العلة من النظام
ف غيرلو النظام
بركي اذا غيرتلو بيمشي ع النظام
مهو يا آلهي ويا سلام لما رح يمشي النظام
شو كان ع بالي يا مدام لو كلو ماشي ع النظام
انتي مرة وانتي مرة بانتظام
يا آلهي ويا سلام لما بنتي يانتظام
حاجة تصوفرلو حاجة تشوبرلو مش قابض انو في نظام
ما داما لا حربك صحيحة ما زالو لا سلمك سلام
اذا هيدا سلمك يا سلام سلم لي ع سلمك سلام
على كلن وينك فتحلي عينك ب ستصعب افهم بالكلام
شايفو عالنظام مش عم يمشي غيرلو النظام
بركي اذا غيرتلو بيمشي ع النظام
يا آلهي ويا سلام لما رح يمشي النظام
هيدا مش نظام
============
ولّعت كتير
زياد الرحباني
ولّعت كتير، خلّصت الكبريتة.
لا أنت الزير، ولا اني نفرتيتي.
من فضلك تبقى لما بتيجي المي، خلي المي... توصل ع التتخيتة.
قايل لي بيت، مش قايل تخشيبة.
كيف هيدا حيط، ونصّو مهدا بسيبة.
على كلٍّ هلق لما بتيجي المي، سكّر هي، ولا يعني مصيبة.
عم بحكي ردّ عليي.
وبس تحكي اتطّلع فيي.
وإذا فكرك قوي، يا فهلوي، منّك بهالقويّة.
ولا يوماً رح بتصير.
جرّبت الفيش، شرقط بين إيديي.
أنا بدي عيش، عيشة طبيعية.
هي جارك عندو مولّد قل لو بليز، مدّ بريز، اخدمني اتوصّى فيي.
فاتح سلطان عليي. وفاشل مية بالمية.
وإذا فكرك حلو، لاء مش حلو، أنا عندي الأولوية.
مستلجئ قصداً فيي. فكرك قوة شخصية.
وإذا فكرك حلو، لاء مش حلو، أنا عندي الأولوية.
ولا شكلك فاهم كيف.
وين هوي السيف؟ بشو بحفّ الكسرولا؟
ما في شي نضيف، ولا ناوي الحمد الله.
قل لي كيف ممكن أنو تسكن بنت، عندك أنت،
قل لي شو بتعمل لها؟
وين هو السيف؟ بشو بحفّ الكسرولا؟
ما في لوسيور، ولا جايب مازولا.
قل لي كيف ممكن أنو تسكن بنت، عندك أنت،
قل لي شو بتعمل لها.
روح يا !
قايل لي أنها فيلا.
وهي ولا نكزة فيلا.
ليك ملا فيللا، لا حول الله، أنت تعا شوفها كلها.
قايل لي أنها فيللا.
وهي ولا لحظة فيلا.
ليك ملا فيلا، لا حول الله، أنت تعا شوفا كلا.
إشي عش فراخ كبير.
صرلو شهرين، ع المجلى البقلاوة.
بتدبّل عين، أنو أنت حلاوة.
والأنكى وقح وجلغ وألك عين، بالعينتين، تقل لي البيت مساوى.
ولي نبشت الريف، على نسرة حشيشة.
البقاع نضيف، بس مش قدو العيشة.
ومن صيدا سحبة وحدة، للبترون، في كاميون، عبا صدري فيشي
===============
مش بس تلفنلي
زياد الرحباني
مش بس تلفنلي، مش بس تسلم لي . احفظ لي هالعنوان
بيهمك أمري . وأنت مش مين ما . كان !
ما أنت لما بتنحني وبتبوس . إيدي على مهل !
فكرك هيدا شي سهل
.إيه!
إيه لاء تسلم لي . إيه لاء تلفن لي . قل لي من زمان
بيهمك أمري . وهيدا مش شو ما . كان !
مش بس تلفن لي . ضللك تلفن لي . وعّي مين ما كان.
بيهمك أمري . وأنت مش مين ما . كان !
شو اشبك قل لي . شو بدك قل لي . شي تفسير
سكوتك هيدا . منو عاجبني . كتير
شو بدك قللي . شي تفسير
سكوتك هيدا . كتير
رح صفي بدلها . اللي بعدها وقبلها . اعطيني شي شهرين
تا تنسى أنك . يوماً حبيت . تنين
بقدر أحمل شو ما عم بتقول .
بشعر بس تبتسم .صفى كل شي معقول
إيه .
مش بس تلفن لي . مش بس تسلم لي . عندي أشيا كتير
بيهمك أمري . وما بعرف شو بيصير!
===============
ما منيحة الرسالة
زياد الرحباني
ما منيحة الرسالة، ولا الحب الخيالي
خليني بحياتي كون... يا عاشقة شخص موزون، يا رايقة لحالي.
مفهومة الرسالة، وبتفوق احتمالي
مش ليلى أنا تا تكون... مجنون مش ناقصني جنون، خليني بحالي.
هيك بس!
كلماتها رتيبة، بعيدة ومش قريبة
صفحة وحدة فيها...12 مرة حبيبي
حاكي ع النهاية، عن عيشة بلايي
شو متصور فيي ساوي بهيك حالة
مش زابطة الرسالة، هي غيرة سآلة
قال أنتي حياتي قال، قال ضاع بالهوى ع الشال، تا ضاع بالليالي.
لو تنسى الرسالة، وصاحبة الرسالة
مش كان أحسن الموضوع، ما تعود مغروم وموجوع... وتلاقي بدالي.
هيك بس...
روح !
ليه دايماً إيديي، شعري أو عينيي؟
ليه ما بتحكي عن غير اشيا موجودة فيي؟
حبك مش حقيقي، انسى يا صديقي.
إذا هيدا إحساسي، شو تركت للأهالي؟
ما منيحة الرسالة...
===========
نزل السرور
زياد رحباني
نزل السرور.. آه يا جامعنا يا فندق المظلوم
الفضل ليللي جامعنا.. الفضل للمرحوم
المرحوم كان مهضوم وكان يحن على المحروم
جابنا وجامعنا.. ريت ما جامعنا
جابنا وجامعنا.. ريت ما جامعنا
زاد لنا فوق الهم هموم
زاد لنا فوق الهم هموم
زاد لنا فوق الهم هموم
*************
نزل السرور آه يا.. نسّينا...
نسّينا العمر الطويل
وانشاله الرب يخلينا..
تنرد شوية الجميل..
آه يا جميل مستحيل إنسان اصيل..
يفلّ من غير رد جميل
لو رحّلونا.. عنك خادونا
لو رحّلونا.. عنك خادونا..
يفضل اليك القلب يميل يفضل اليك القلب يميل
يفضل اليك القلب يميل يفضل اليك القلب يميل
*************
بعتّ لك يا حبيب الروح
بعتّ لك يا حبيب الروح.. بعتّ لك روحي
وقلتي لك مدام حّتروح.. خود معك روحي
بعتّ لك يا حبيب الروح.. بعتّ لك روحي
وقلتي لك مدام حّتروح.. خود معك روحي
انا خايفة وديلك قلبي.. وتكون ناسيني وناسي حبي
انا خايفة وديلك قلبي.. وتكون ناسيني وناسي حبي
انا عاشقة دايما يا حبيبي
آه انا عاشقة دايما يا حبيبي
روحي في ايدك يا حبيبي
بعتّ لك يا حبيب الروح..آه.. بعتّ لك روحي.. بعتّ لك روحي
وقلتي لك ما دام حتروح..آه.. خود معك روحي.. خود معك روحي
بعتّ لك يا حبيب الروح..
بعتّ لك آه آه.. بعتّ لك آه آه.. بعتّ لك بعتّ لك بعتّ لك.. آه
بعتّ لك آه آه.. بعتّ لك آه آه.. بعتّ لك بعتّ لك بعتّ لك.. آه
بعتّ لك آه حبيبي.. بعتّ لك آه حبيبي.. بعتّ لك آه آه آه يا حبيبي
بعتّ لك يا حبيب الروح.. بعتّ لك روحي
وقلتلك مدام حتروح.. خود معك روحي
=============
ماشي الحال
قلتيلي تركتك ماشي الحال..
ودعني يا حبيبي ماشي الحال
قلتيلي تركتك ماشي الحال..
ودعني يا حبيبي ماشي الحال
أي حال بدك يمشي..
ليش انتي تركتيلي حال.. لك حاااال
ويا حلوة خبي قصتنا.. وخلي هالغصة غصتنا
يا حلوة خبي قصتنا.. وخلي هالغصة غصتنا
اصحك تشيع الخبرية.. عنا ولاد وعنا عيال.. عنا ولاد وعنا عيال
قلتيلي تركتك ماشي الحال.. ودعني يا حبيبي ماشي الحال
قلتيلي تركتك ماشي الحال.. ودعني يا حبيبي ماشي الحال
أي حال بدك يمشي.. ليش انتي تركتيلي حال.. لك حاااال
يبعتلك حال.. خليلو حال..
يا عيني.. يا روحي.. يا قلبي
شوفي كيف عم أنقل بيتي.. مطرح ما انتي حبيتي
شوفي كيف عم أنقل بيتي.. مطرح ما انتي حبيتي
انا حامل همك بأيديي.. حاملي تياب العتال.. حاملي تياب العتال
قلتيلي تركتك ماشي الحال.. ودعني يا حبيبي ماشي الحال
قلتيلي تركتك ماشي الحال.. ودعني يا حبيبي ماشي الحال
أي حال بدك يمشي.. ليش انتي تركتيلي حال.. لك حاااال
ماشي.. ماشي ماشي ماشي.. ماشي..
أي حال بدك يمشي ليش انتي تركتيلي حال.. ولك حاااال
ماشي الحال.. ماشي الحال خيي.. ماشي الحال.. يالله ماشي الحال
حال وبدو يمشي ان قلت أي وان قلت لئ بدو يمشي.. ماشي الحال
=============
يا نور عينيا
يا نور عينيا.. رحنا ضحية
يا نور عينيا.. رحنا ضحية
ضحية الحركة الثورية
يا نور عينيا.. يا نور عينيا.. يا نور عينيا عينيا
يا نور عينيا.. رحنا ضحية
يا نور عينيا.. رحنا ضحية
ضحية الحركة الثورية
يا نور عينيا.. يا نور عينيا.. يا نور عينيا
كنا في احلى الفنادق.. جرجرونا عالخنادق
كنا في احلى الفنادق.. جرجرونا عالخنادق
وشكلنا ليس بلائق
قبل ما جيت يا عفريت
قبل ما جيت يا عفريت.. كنا نغني عالاراسية.. عالاراسية عالاراسية عالاراسية
عالاراسية منين منين.. والله سقوها دمع العين
يا عيني عيني ملا تنين.. والله رحنا ضحية
يا نور عيني.. عيني.. يا اراسية
يا من تهدد بالرشيش.. بكل انواع الفتيش
يا من تهدد بالرشيش.. بكل انواع الفتيش
طالباً تحسين عيشِ
ثائر حار ياكل النار
ثائر حار ياكل النار ونحن من.. أه.. مزيكاتية.. مزيكاتية مزيكاتية مزيكاتية
يا نور عينيا.. رحنا ضحية
يا نور عينيا.. رحنا ضحية
ضحية الحركة الثورية
يا نور عينيا.. يا نور عينيا.. يا نور عينيا عينيا
=============
يا ليل الهوى نحنا جينا
ع دروب الهوى نحنا جينا
جينا نمضي ليلة حلوة
مع بو ياسمين وياسمينا
يا خصور الصبايا العشقانين
يا لفتة مليانة حب وحنين
خلينا سهرانين
خلينا سهرانين
أهلا بالمعلم نخلة
وببنت المعلم نخلة
بمسيكم بالخير
أهلا وسهلا
قرّب يا عبدو سلّم ع الشباب
وانسوا كلّ اللي صار
قولوا ما صار
أهلا فيكم أهلا
شرفتوا قهوتنا
بدكم ما تواخذونا
مش باقي كراسي
من وقت هاك الليلة
اللي قتلتها ع راسي
المحبين كتار
والقلب بيساع
والسهرة عمرانة بقهوتنا
الحيّ الّكن ضاوي وبعد ناس كتار
لا سكروا بيوتن ولا طفيوا النار
وليش كل ما سألت بتقولي
روق بعد شوي لاحق تجي ع الحي
ولاحقين نحكي هالحكي شي نهار
ما دام هالحيّ اللّكن سهران
وقلبي ع بالو يخبّر حكاية
ضوّي وأصحك يعرفوا الجيران
ضوّي انطريني لعندكن جاية
سهريتنا سهريتنا يا حكاية قلبين
يا حكاية محبة جديدة وألفة ولفتة عين
من عمر الطفولة هربانة الطفولة
والبنت الخجولة رح تخطفها الإيدين
صوتك لمّن نادى لي تركت البيت وفلّيت
لاموني السهيرة كيف رحت وما مسيت
ضاعت فيي طريقي بالعتمة ما استهديت
وهالنجمة السهرانة تضوي تقللي من وين
يمكن صار بدّك تروحي
والقصة هي هي
خدي مني قلبي وروحي
بآخر هالسهرية
كنتِ منّا طلعتِ منّا
وان شاء الله فيكِ يتهنّى
كل شي منتمنى نرجع نتمنى
تبقى إيامك هنيّة
نجوم الليل تضوي الليل وتقول سعيدة
وعد جديد حبّ جديد ودنيي كلها جديدة
الليلة السفر مارق.. مارق ع المفارق
قللو أني ناطرة لا يتركني وحيدة
لا يتركني وحيدة
في نجمة لحالا ما بيتركها خيالا
بإيدك جرب طالا النجمة منّا بعيدة
نجوم الليل... اتضوي الليل
===================
مدري كيف جنيت
مدري كيف جنيت
يا قلبي وحبيت
مدري مين دللك ع قلبها تا بقلبها تخبيت
تا بقلبها تخبيت..
والسهرية خلف السهرية
وتصير تجي تسهر ليلية
إلا من تطليعة وتكفية
ضعت ولا عاد عندي لا أهل ولا بيت
===============
كسّروها قهوة القش
كسّروها قهوة القش
كان في سهر
وما عاد في سهر
واللي كانوا فلوا على بيوتن
تلوا الدني ضجر
في عيون بتبكي
وفي عيون بتضحك
وفي عيون بتستحي
وفي عيون بتتلبك
وفي عيون شو ما عملت بتنحب
احزري... احزري
عيونك أنتِ من أيّ عيون
سهرت عيوني
وغيرت عيوني
وأصحابي اللي مرقوا حدّي
مرقوا ما عرفوني
وعدني وبكلمة صغيرة غيّر هالإيام
عيوني عيوني
تعبوا عيوني من كتر الأحلام
وهنّي شو قالولك
هنّي مش عارفين
فزعانة خبرهم
فزعانة من عيونك الغريبة
لو أنا غريب أنتِ إذاً قريبة
صدفة صرتْ قريب وإنتِ صرتِ غريبة
وأيام الناطرها شايفها قريبة
وأنا كنت ناطرة مش عارفة مين
سألوا عليي صحابي
وعتبوا السهرانين
لعمري رجعت زهرة
وزهّر الياسمين
==============
التحدي
يا خيل الليل يا خيل الليل ردّي عالتحدّي
وحدّي من نقمتي ان فيك تحدّي
وانا من ربعكن ما ارحل تحدّي
العدا يلين ويصير حباب
يا سيف اللي عالأعدا طايل
يا هادر دمّ الأصايل
ويل اللي يتحدّى ويله
ويل اللي ناوي يقاتل
قاطع يا سيف البوادي
يا سيف اللي عالأعدا غادي
وانا لارحل من وادي لوادي
لومال الخصر المايل
حامل عليهم حقد وتار
لاحق أثرهم من دار لدار
سيف اللي معود يقدح نار
ما يرحم وشي العوازل
يابا ويله يابا ويله
ويله ويله
==============
الحالة تعبانة يا ليلى
الحالة تعبانة يا ليلى خطبة ما فيش
وانتي غنيّة يا ليلى ونحنا دراويش
انتي في وادي ونحنا في وادي
بلحظة بعدنا زيادة
أرض العنّا بلا سجادة
وانتي معوّدة تمشي عالريش
احتاروا فيكي وحيّروكي
ضلّوا حتى غيّروكي
لبّسوكي تاج ملوكي
وانسيتي أهل الطرابيش
رزق الله لمّن كنتي وكنّا
نجي لعندِك وتجي لعنّا
تاري العاش حدّك وتهنّا
صعبة يرجع وحدو يعيش
===============
خايف كون عشقتك وحبيتك
خايف كون عشقتك وحبيتك
ويكون الهوى رماني ببيتك
ونصير ليلية
نشتاق ليلية
وأسأل حالي كيف حبيتك
سرقوك العيون السود
يا قلب انتسى
يا قلبي اللي مش موعود
إلا بالأسى
غيروك وراحوا
غربوك وراحوا
فلوا تايرتاحوا
آخر هالمسا
مندور ع ليالي الحب
بعينيكِ وعيني
جايي من عينيكِ الغرب
هاللفتة الهنية
عم تبكي الأشعار
وناطرنا المشوار
خبرها شو صار
يا طير العشية
===============
أهل الهوى
كنّا سوا
وكان الهوى ودمع الهوى
آه دمع الهوى
مالو دوا إلا الهوى
آه أهل الهوى
خلقوا سوا وعاشوا سوا
وراحوا سوا
ضلّ تذكرهن يا هوى
نحنا حبينا وانتهينا
وتعبوا عينينا من الهوى
ضلوا اذكرونا تذكرونا
واصحى تلومونا ع الهوى
================
ساعة نطّرني
ساعة نطّرني
جمعة نطّرني
شهور نطّرني
وآخرتها معو
ليلة سهّرني
ليالي سهّرني
سنين سهّرني
وآخرتها معو
لكن العلّة
شو ما قللي
عيوني وقلبي دغري بيسمعو
حبيبي مسافر صرلو سنين
وقلبي ناطر صرلو سنين
يا عيوني عيوني السهرانين
حاجة تبكوا وتدمعوا
تخمين ناسيني تخمين
آه يا ورد العشقانين
مشتاقة لعمري الحزين
بشي ليلة ودعو
==============
دللوني على عينين السود
دلوني على عينين السود
وعلّقوني... آه علّقوني
يا ليل الليل المالوحدود
خبيلي عيوني... آه خبيلي عيوني
يابا يابا يابا إيه
يابا يابا يابا إيه
لك صدقوني يا أهلي
لك صدقوني شي شوية
عيونو يا بيي هني
أصل المشكل أصل الحب
وما حدا غيرون هني
علّقني بشباك الحب
===============
سهّرنا يا بو الأحباب
أوف.... أوف... أوف
فايق ع هاك الباب شو صاير حكي
وفايق شو كان في دموع بعيونها وبكي
تقللي ما عاد الحب بدو قلوبنا
وقللها لا تقسي كتير ع القلب وليكي
سهرنا يا بو الأحباب
سكر ع هالماضي بواب
بلكي مننسى.. هالليلة مننسى
أيام التركونا الأحباب
الليلة باللحن الحزين
جينا نراضي الزعلانين
ويا قهوة نخلة التنين
خليكي ملفى الأحباب
=============
يا بنت المعاون
أوف...أوف... أوف
طول الهجر يا ليلى تلفني
ودار الحزن من حولي تـلفّني
وتبقي عندما بتفضي تلفني
وصلنا خط تنحاكي الحباب
يا عيني...يا عيني... يا عيني
يا بنت المعاون
خلخالك لوا لوا
اسألتيني قلبك جانن
جاوبتك إيوا إيوا
وحياة ربي المعبود
خليتيني برق العود
قلبي بوصالك موعود
تنروح سوا
مكتوب ورا مكتوب
وداه قلبي لمحبوب
والقلب لمن بيدوب
مالوش دوا
وحياة ربي العالي
اسمك ما يروح من بالي
أنت صرتي حلالي
تنعيش سوا
يا بنت المعاون
يا بنت المعاون
لوا لوا لوا
آه آه آه
=============
حن الحديد
حن الحديد على حالو وانت ما حنيت
حن الحديد على حالو وانت ما حنيت
لو كنتَ تدري بحالي من زمان أنيت
من زمان.. من زمان أنيت..
حن العريس عالعروسة وقبَّل الخدين
حن العريس عالعروسة وقبَّل الخدين
غيرو ما حدا يبوسا لا اليوم ولا بعدين
غيرو ما حدا يبوسا لا اليوم ولا بعدين
ولا بعدين
حن الحديد على حالو وانت ما حنيت
حن الحديد على حالو وانت ما حنيت
لو كنتَ تدري بحالي من زمان أنيت
من زمان.. من زمان أنيت..
من زمان.. من زمان أنيت..
==============
انا اللي عليكي مشتاق
انا اللي عليكي مشتاق.. مش غيري مشتاق ليكي
انا اللي عليكي مشتاق.. مش غيري مشتاق ليكي
واذا رجعتي من العشاق وعشقتيني شو عليكي.. يا با شو عليكي.. يا با يي عليكي
كل عمرك نشطة وحركة.. بتحبي رقص الدبكة
بدي اتعلم دبكة.. تا أشبك ديي بديكي.. أيي ي ي علي انا...
انا اللي عليكي مشتاق.. مش غيري مشتاق ليكي
انا اللي عليكي مشتاق.. مش غيري مشتاق ليكي
واذا رجعت من العشاق وعشقتيني شو عليكي.. يا با يي عليكي
اوف.. اوف.. اوف
انا اللي عليكي مشتاق.. مش غيري مشتاق ليكي
واذا رجعتي من عشاق وعشقتيني شو عليكي
واذا رجعتي من عشاق وعشقتيني شو عليكي
انا اللي عليكي مشتاق.. مش غيري مشتاق ليكي
انا اللي عليكي مشتاق.. مش غيري مشتاق ليكي
واذا رجعتي من العشاق وعشقتيني شو عليكي.. يا با شو عليكي.. يا با يي عليكي
وقفني حاجو دركي.. قلي شو الاسم البركة
يا ويلي ملا لبكة.. اسمي نسيتو بعينيكي.. يي يي عليي انا
انا اللي عليكي مشتاق.. مش غيري مشتاق ليكي
انا اللي عليكي مشتاق.. مش غيري مشتاق ليكي
واذا رجعتي من العشاق وعشقتيني شو عليكي.. يا با شو عليكي.. يا با يي عليكي.. يا با يي يي عليكي
==================
التفتي عليي (غناء سامي حواط)
التفتي.. التفتي.. التفتي عليي وشوفي
هالبدلة.. هي بدلة.. بدلة ومناش معروفه
التفتي.. التفتي.. التفتي عليي وشوفي
هالبدلة.. هي بدلة.. بدلة ومناش معروفه
عم بيع تياب.. وما عندي تياب
مديون وقاعد اوفي
مديون... وقاعد يوفي
مديون وقاعد اوفي
==============
اسمع يا رضا
اوف.. اوف.. اوف
تغير هوانا.. تغير هوانا وسعر كل شغلة غلي
تغير هوانا وسعر كل شغلة غلي
خسة زارعها كنت ما عادت الي.. ما عادت الي.. ما عادت الي
ومش هم بعد اليوم.. ان بهدلني حدا
ومش هم بعد اليوم.. ان بهدلني حدا
صارت حياتي كلها شي بهدلة
وبعدك عنيد يا رضا.. واصغر نصيحة بترفضا
اسمع.. اسمع يا رضا
كل شي عم يغلا ويزيد
مبارح كنا عالحديدة.. وهلئ صرنا عالحديد
اسمع.. اسمع يا رضا
كل شي عم يغلا ويزيد
مبارح كنا عالحديدة.. وهلئ صرنا عالحديد
الخسة لمّوصلها بأيدي.. وسعرها مئيد بالجريدة
حطولا اسعار جديدة.. كل لحظة في سعر جديد
عجل كلها يا رضا
اسمع.. اسمع يا رضا
كل شي عم يغلا ويزيد
مبارح كنا عالحديدة.. وهلئ صرنا عالحديد
تعلم لغة اجنبية.. هيدا العربي ما بيفيد
دور لندن من عشية.. ماري بتهجي وبتعيد
ماري بتهجي وبتعيد.. ماري بتهجي وبتعيد
وير از ماري يا رضا
اسمع.. اسمع يا رضا
كل شي عم يغلا ويزيد
مبارح كنا عالحديدة.. وهلئ صرنا عالحديد
مبارح اكلنا.. بعلمي شبعنا.. حطينا كل ل كانو معنا
قمنا ع بكرة.. رجعنا جعنا.. لازم ناكل عن جديد..
لازم ناكل عن جديد
مصيبة والله يا رضا
اسمع.. اسمع يا رضا
كل شي عم يغلا ويزيد
مبارح كنا عالحديدة.. وهلئ صرنا عالحديد
عم تسمعني.. اسمع
عم تسمعني.. اسمع
================
قوم فوت نام
قوم فوت نام... وصير احلام..
أنو بلدنا صارت بلد...
قوم فوت نام... بهالأيام
حارة بيسكّرها ولد...
هي بلد؟.... لاء مش بلد!
هي قرطة عالم مجموعين!
مجموعين لاء!
مطروحين لاء!
مضروبين لاء!
مقسومين...
قوم فوت نام... وصير احلام..
قوم فوت نام... اكدوش الفرشة يا الله أوام.
وتغطى وسمّك الحرام...
واتمسك بنفس الكلام..
وتابع برامج بالسيكام..
كلها أغاني عن الوحدة الوطنية
كلها أماني بالمسيرات الأمنية
كلها تهاني بصيغتنا اللبنانية
وقوم فوت نام...
ما هو تلات ملايين... عالتخمين
هودي اللي جوا البلد!
والباقيين مفروطين...
كل شوي في بلد...
============
المقالات المنشورة على هذا الموقع تعبر عن آراء أصحابها فقط